بورے والا۔ ٹریلر اور گاڑی میں ٹکر۔7 افراد جاں بحق

(24نیوز)بورے والا کے علاقے لڈن روڈ پر تیز رفتاری کے باعث گاڑی ٹریلر کے نیچے جا گھسی ،خوفناک  حادثے میں 7 افراد جاں بحق ہوگئے۔

 امدادی ٹیموں کے مطابق حادثہ تیز رفتاری کے باعث پیش آیا۔ گاڑی کو ٹریلر کے نیچے سے نکالنے کیلئے کرین بھی طلب کرلی گئی ہے۔امدادی ٹیموں کے اہل کاروں کا کہنا ہے کہ گاڑی مکمل طور پر ٹریلر کے نیچے دھنس گئی ۔حادثے میں مرنے والوں میں 3 خواتین اور 2 بچے بھی شامل ہیں۔ گاڑی سوار لڈن سے بورے والا کی طرف آرہے تھے۔جاں بحق افراد کی لاشیں شناخت اور ضروری کارروائی کیلئے مقامی ہسپتال منتقل کردی گئی ہیں۔