سونے کی قیمتیں تاریخ کی نئی بلند ترین سطح پر پہنچ گئیں

(ویب ڈیسک)امریکی صدر ڈونلڈ ٹرمپ کے مختلف ممالک پر ٹیرف عائد کئے جانے کے اعلانات سے عالمی تجارتی جنگ وسیع ہونے کے امکانات بڑھ رہے ہیں جس کا اثر سونے کی قیمتوں پر پڑا ہے اور ہر گزرتے دن کے ساتھ اس کی قیمت میں ہوشربا اضافہ ہو رہاہے۔

غیر ملکی میڈیا کے مطابق ٹرمپ کے اقدامات نے سونے کی قیمت کو آسمان کی بلندیوں تک پہنچا دیا ہے اور 1986 کے بعد 38 سالوں میں سونے کی ایک سہ ماہی میں قیمت میں اضافہ ریکارڈ بلندی پر پہنچ گیا ہے۔

سونا جو روایتی طور پر سیاسی اور اقتصادی غیر یقینی کی صورتحال میں ایک بہترین سرمایہ کاری کے طور پر دیکھا جاتا ہے۔ ٹرمپ کے اقدامات کے باعث رواں سہ ماہی میں اب تک اس کی قیمت میں 18 فیصد سے زائد اضافہ ہوچکا ہے جو ستمبر 1986 کے بعد کسی ایک سہ ماہی میں سب سے بڑا اضافہ ہے۔

  رپورٹ کے مطابق اسپاٹ گولڈ 1.1 فیصد چھلانگ لگا کر $3,116.82 فی اونس رپورٹ 0638 جی ایم ٹی کے مطابق پہلے $3,128.06 کی بلند ترین سطح کو چھونے کے بعد۔ یو ایس گولڈ فیوچر 1.1 فیصد اضافے کے ساتھ 3,148.00 ڈالر پر پہنچ گیا ہے۔

ماہرین کا کہنا ہے کہ شرح سود میں کمی، مرکزی بینک کی خریداری اور ایکسچینج ٹریڈڈ فنڈ کی طلب سمیت دیگر عوامل بھی سونے کی قیمت میں ریکارڈ اضافے کا سبب بنے ہیں۔ 

دوسری جانب توقع ہے کہ ٹرمپ 2 اپریل کو باہمی محصولات کا اعلان کریں گے، جبکہ آٹوموبائل ٹیرف 3 اپریل سے نافذ العمل ہوں گے۔