کورونا وائرس کے حملے،ایک شخص جاں بحق، 656 نئے  کیسز رپورٹ

(24نیوز)ملک بھر میں کورونا کے حملے جاری،جان لیوا وائرس ایک اور جان نگل گیا، 24 گھنٹوں کے دوران 656 افراد مہلک وائرس سے متاثر ہوئے ۔

قومی ادارہ برائے صحت (این آئی ایچ) کی رپورٹ کے مطابق گزشتہ 24 گھنٹوں کے دوران ملک میں کورونا وائرس کی شرح 3.35 فیصد ریکارڈ کی گئی،24 گھنٹوں کے دوران 19 ہزار 611 کوویڈ کے ٹیسٹ کیے گئے جن میں سے 656 افراد میں وائرس کی تشخیص ہوئی۔

COVID-19 Statistics 01 August 2022
Total Tests in Last 24 Hours: 19,611
Positive Cases: 656
Positivity %: 3.35%
Deaths: 01
Patients on Critical Care: 161

— NIH Pakistan (@NIH_Pakistan) August 1, 2022

 رپورٹ کے مطابق مثبت کیسز کی شرح تین اعشاریہ تین پانچ فیصد ریکارڈ کی گئی جبکہ اب بھی 161 مریضوں کی حالت تشویشناک  بتائی جا رہی ہے،کورونا مثبت کیسزکی شرح سب سے زیادہ شرح صوابی میں 42.86 فیصد رہی ،مظفرآباد میں مثبت کیسز کی شرح 28.57 فیصد ،نوشہرہ میں 23.08 فیصد ،کوئٹہ میں 12.50 اور پشاورمیں 9.06 فیصد ،لاہور میں 7.95 اور سرگودھا میں 7.93 فیصد ریکارڈ کی گئی۔اس کے علاوہ اسلام آباد میں 6.58 اورمردان میں 6.49 فیصد،گجرات 5.56 اور فیصل آباد میں 5.50 فیصد  جبکہ میرپور میں 4.48 اور ملتان میں 4.47 فیصد ریکارڈ رہی۔