معروف بھارتی گلوکارہ نے مسلم دوست سے نکاح کرلیا
Stay tuned with 24 News HD Android App
(مانیٹرنگ ڈیسک) بالی وڈ کی بھارتی گلوکارہ شالملی کھولگڑے نے اپنے مسلمان دوست سے شادی کرلی،گلوکارہ شالملی کھولگڑے نے اپنی شادی کی خبر گزشتہ روز انسٹاگرام کے ذریعے دی۔
تفصیلات کے مطابق شالملی کھولگڑے نے بتایا کہ وہ 22 نومبر کو اپنے دوست فرحان شیخ کے ساتھ رشتہ ازدواج میں منسلک ہوگئی ہیں۔
View this post on Instagram
شالملی نے خوبصورت تصاویر شیئر کرتے ہوئے لکھا کہ ہم نے بالکل اسی طرح کی شادی کی جس کی ہمیں امید تھی، ہم نے اپنے اہلخانہ، رشتے دار اور چند کزنز کی موجودگی میں گھر میں ہی شادی کی۔
View this post on Instagram
گلوکارہ نے ایک تصویر شیئر کی اور بتایا کہ ہم اپنی شادی میں ہندو اور مسلم رسمیں چاہتے تھے، فرحان کے بہنوئی نے دعا پڑھی، نکاح کا انگریزی ترجمہ کیا اور پھر سورۃ فاتحہ پڑھی۔
View this post on Instagram
شالملی کھولگڑے کے شوہر فرحان شیخ کے سوشل میڈیا اکاؤنٹ کے مطابق وہ ایک ساؤنڈ انجینئر ہیں، گلوکارہ کے چاہنے والے انہیں مبارکباد پیش کررہے ہیں جب کہ جوڑے کی آنے والی زندگی کیلئے نیک خواہشات کا بھی اظہار کررہے ہیں۔
یہ بھی پڑھیں: عالیہ بھٹ کو شکست۔۔کترینہ نے شادی سے قبل بڑا سرپرائز دیدیا