عمران خان جب چاہیں گے پنجاب اسمبلی تحلیل ہو جائے گی، مونس الٰہی 

(24 نیوز)مسلم لیگ ق کے رہنما مونس الٰہی نے کہاکہ عمران خان جب چاہیں گے پنجاب اسمبلی تحلیل ہو جائے گی۔
زمان پارک میں چیئرمین پی ٹی آئی عمران خان سے ملاقات کے بعد سماجی رابطے کی ویب سائٹ ٹوئٹر پر اپنے ٹوئٹ میں مونس الٰہی نے کہاکہ عمران خان کو یقین دہائی کرا دی ہے کہ یہ وزارت اعلیٰ ان کی امانت ہے جب وہ چاہیں گے پنجاب اسمبلی تحلیل ہو جائے گی ۔

آج ہماری PM @ImranKhanPTI سے ملاقات ہوئی ہے ۔ اس ملاقات میں ان کو یقین دہانی کرا دی ہے کہ یہ وزارت اعلٰی ان کی امانت ہے جب وہ چاہیں گے پنجاب اسمبلی تحلیل ہو جائے گی۔ @EllahiHussain @PervezKhattakPK pic.twitter.com/j1NAdn7p0P

— Moonis Elahi (@MoonisElahi6) December 1, 2022

قبل ازیں وزیراعلیٰ پنجاب چودھری پرویز الٰہی ، مونس الٰہی اور ایم این اے حسین الٰہی کی زمان پارک آمد ہوئی،تینوں رہنماو¿ں نے چیئرمین تحریک انصاف عمران خان کی خیریت دریافت کی،ملاقات میں سیاسی صورتحال اور پنجاب کے انتظامی معاملات پر تبادلہ خیال کیا گیا۔
اہم ملاقات میں پنجاب اسمبلی کے رولز آف پروسیجر کا تفصیلی جائزہ لیا گیا،اس کے علاوہ پنجاب اسمبلی کے قواعد و ضوابط اور ٹیکنیکل پہلوو¿ں پر بھی غور کیا گیا،وزیراعلیٰ چودھری پرویز الٰہی نے پنجاب کے عوام کو ریلیف دینے کے جاری پروگرام کے بارے عمرا ن خان کو آگاہ کیا۔
عمران خان نے پنجاب کی پارلیمانی پارٹی کا اجلاس کل طلب کرلیا ،اجلاس میں پنجاب اسمبلی کے مستقبل کے بارے میں حتمی مشاورت ہو گی۔
ملاقات کے بعد میڈیا سے گفتگو کرتے ہوئے چودھری پرویز الٰہی نے کہاعمران خان کے کہنے پر پنجاب اسمبلی تحلیل کرنے میں رتی بھر بھی تاخیر نہیں ہوگی،پنجاب اسمبلی عمران خان کی امانت ہے اور یہ امانت انہیں دےدی ہے، ان کا کہناتھا کہ ہم جس کے ساتھ چلتے ہیں، اس کا پورا ساتھ دیتے ہیں۔وزیراعلیٰ پنجاب نے کہاکہ غلط فہمیاں پیدا کرنے والے پہلے کی طرح ناکام ہوں گے، عمران خان پاکستان کیلئے لازم و ملزوم ہیں ، پنجاب میں اپوزیشن کو پہلے بھی مارپڑی آئندہ بھی پڑے گی ،ان کاکہناتھا کہ پنجاب اسمبلی کا اجلاس ہو ر ہا ہو تو گورنر راج نہیں لگ سکتا۔

یہ بھی پڑھیں: ایاز صادق کو قانون سازی سے متعلق کابینہ کمیٹی کی سربراہی سے ہٹا دیاگیا