80 سالہ سیاستدان کی21 سالہ لڑکی سے شادی 

(24 نیوز) پیپلزپارٹی کے بزرگ سیاستدان و  سابق وفاقی وزیر سید افتخار حسین گیلانی نے اپنی عمر سے 59 سال چھوٹی لڑکی سے شادی کی ہے۔
تفصیلات کے مطابق پیپلزپارٹی کےسابق وفاقی وزیر سید افتخار حسین گیلانی کی دوسری شادی کی تصاویر تیزی سے وائرل ہورہی ہیں اور ساتھ ہی سوشل میڈیا صارفین کی جانب سے ملے جلے ردعمل کا اظہار کیا جارہا ہے۔ وائرل تصاویر میں دیکھا جاسکتا ہے کہ نوبیاہتا جوڑا پر مسرت موقع پر خوش ہے تاہم سابق وفاقی وزیر کی جانب سے شادی کی تصدیق یا تردید نہیں کی گئی ہے اور نہ ہی کوئی موقف آیا ہے۔
سید افتخار حسین گیلانی18 جولائی 1940 کو خیبرپختونخوا کے شہر کوہاٹ میں پیدا ہوئے ، انہوں نے اوائل میں ہی پیپلزپارٹی میں شمولیت اختیار کرلی تھی جبکہ بینظیر بھٹو کے پہلے دور حکومت میں وزیر قانون رہے ہیں۔
خیال رہے کہ افتخار گیلانی کی پہلی بیوی سے ان کی دو بیٹیاں اور ایک بیٹا ہے۔