محکمہ موسمیات کی مری اور گلگت بلتستان میں بارفباری کی پیشگوئی

(24 نیوز ) محکمہ موسمیات نے مری اور  گلگت بلتستان سمیت دیگر مقامات پر برفباری کی پیشگوئی کر دی ہے ۔

تفصیلات کے مطابق محکمہ موسمیات کی جانب سے پیشگوئی کی گئی ہے کہ   ملک کے بیشتر علاقوں میں موسم سرد اور خشک رہے گا، شمالی بلوچستان  اور بالائی علاقوں میں موسم   شدید سرد رہے گا، جبکہ  چترال، دیر ، سوات،  مالاکنڈ ، کرم اور وزیرستان میں ہلکی بارش اور برفباری کا امکان ہے۔ 

 رپورٹ کےمطابق پنجاب کے میدانی علاقوں میں  دھند پڑنے  کا امکان ہے ،  اسلام آباد میں موسم سرد اور خشک رہنے کا امکان ہے ، خیبرپختونخوا کے بیشتر علاقوں میں موسم سرد مطلع  جزوی ابرآلودرہے گا ، مری ،گلیات  اور گردونواح   میں موسم شدید سرد اورمطلع جزوی ابرآلود رہے گا اور میدانی علاقوں میں دھند پڑنے کا امکان ہے ۔ 

محکمہ موسمیات کی جانب سے جاری کردہ رپورٹ میں کہا گیا ہے کہ بلوچستان کے بیشتر علاقوں میں موسم سرد اور خشک رہے گا، شمالی بلوچستان میں موسم شدید سرد جزوی ابرآلود رہے گا، سندھ کے  بیشتر اضلاع میں  موسم سرد اور خشک رہے گا، 

  صبح کے اوقات میں سکھر ، گھوٹکی  اور جیکب آباد میں دھند پڑنے کا امکان ہے،  کشمیر میں  مطلع  جزوی ابرآلود رہے گا،  گلگت بلتستان میں چند مقامات پر ہلکی بارش  اور برفباری ہو سکتی ہے۔