انتظارکریں،پی ڈی ایم پلیٹ فارم سے خوشخبری ملےگی،محمد زبیر

(24نیوز)ترجمان نواز شریف محمد زبیر کا کہنا ہے کہ تھوڑی دیر انتظار کرلیں، پی ڈی ایم کے پلیٹ فارم سے خوشخبری ملے گی۔پاکستان ڈیموکریٹک موومنت ایک پیج پررہے گی اور حکومت کو تگڑا ٹائم دے گی۔

سابق گورنر سندھ محمد زبیر کا کہنا ہے کہ  عمران خان جب تک ہیں ان ہاؤس چینج ہمیں قبول نہیں ہے۔ مریم نواز نے بتایا ہے کے استعفے سارے آچکے ہیں ان کو اپنے ٹائم پر استعمال کرنا ہے۔مسلم لیگ ن بالکل نہیں چاہ رہی کہ  پیپلز پارٹی قربانی دے بلکہ ہم چاہتے ہیں وہ پاکستان کے لئے قربانی دیں۔

محمد زبیر نے مزید کہا ہے کہ  پیپلزپارٹی کے موقف میں تبدیلی نہیں آئی۔آج پی ڈی ایم اجلاس میں ہم ان کا موقف سنیں گے۔بلاول بھٹو کے لاہور نہ آنے کی کوئی خاص وجہ نہیں ہے۔ یہ کوئی آخری میٹنگ نہیں ،چار دن بعد بھی ایک اجلاس ہونا ہے ،بلاول بھٹو اس میں آجائیں گے۔