محکمہ موسمیات نے ایک بار پھر بارشوں کی نوید سنادی 

(ویب ڈیسک) محکمہ موسمیات نے ایک بار پھر سے بارشوں کی نوید سنا دی ۔ محکمہ موسمیات کے مطابق آئندہ ہفتے پھربارشوں اور برفباری کا امکان ہے ۔
یہ بھی پڑھیں:کورونا وائرس کے وار جاری ۔۔۔ملک بھر میں مزید 6 افراد جان کی بازی ہار گئے
محکمہ موسمیات کے مطابق خیبر پختونخوا کے بیشتر اضلاع میں پیرسے بارش اور پہاڑوں پر برفباری کا امکان ہے۔چترال، دیر، سوات، مالاکنڈ، کوہستان، شانگلہ اورمانسہرہ میں بھی بارش متوقع ہے۔ایبٹ آباد، ہری پور، مردان، نوشہرہ، پشاور، کوہاٹ اورباجوڑ میں بھی بارش کی پیشگوئی کی گئی ہے ۔ گلیات، ناران، کاغان چترال، دیر، سوات اور مالم جبہ کے پہاڑوں پر برفباری متوقع ہے۔
بالائی اضلاع میں تیز بارش اور برفباری کے باعث روڈ بندش اور لینڈسلاڈینگ کا خدشہ بھی ظاہر کیا گیا ہے۔بارشوں اور برفباری کا سلسلہ پیر سے جمعرات تک جاری رہنے کی پیش گوئی کی گئی ہے۔بلوچستان کے مختلف اضلاع میں بھی آج سے بارش اور پہاڑوں پر برف پڑنے کا امکان ہے۔ محکمہ موسمیات نے چمن، قلعہ عبداللہ، قلعہ سیف اللہ، زیارت، کوئٹہ اورملحقہ علاقوں میں بارش اور برفباری کی پیش گوئی کی ہے۔
یہ بھی پڑھیں:طور خم بارڈر۔۔۔ افغانستان سے آنیوالے ٹرک سےکروڑوں کی منشیات برآمد