کورونا کے وار جاری۔۔۔ پنجاب حکومت کے اہم وزیر وائرس کا شکار

(24 نیوز)صوبائی دارالحکومت لاہور میں کورونا کے وار جاری ہیں،صوبائی وزیر صنعت و تجارت میاں اسلم اقبال کا کورونا مثبت آ گیا۔ صوبائی وزیر نے خود کو گھر میں قرنطینہ کر لیا۔
تفصیلات کے مطابق لاہور میں کورونا کی تیزی سے پھیلتی ہوئی نئی لہر نے شہریوں کو اپنی لپیٹ میں لینا شروع کر دیا ہے۔ چند روز قبل صوبائی وزیر صنعت و تجارت میاں اسلم اقبال کو تیز بخار ہوا جس پر ڈاکٹر کی ہدایت پر ان کا کورونا ٹیسٹ کروایا گیا جو مثبت آیا ہے۔ کورونا مثبت آنے پر صوبائی وزیر نے خود کو گھر میں قرنطینہ کر لیا ہے جبکہ بتایا گیا ہے کہ ان کی صحت پہلے سے بہتر ہے۔
لیگی ایم پی اے میاں مجتبیٰ شجاع الرحمن کورونا وائرس کا شکارہوگئے ہیں، میاں مجتبی شجاع نے گھر میں قرنطینہ کر لیا۔

یہ بھی پڑھیں: پٹرول کے بعد عوام پر بجلی بم گرائے جانے کا امکان ، نیپرا میں درخواست دائر