چکن کی قیمت میں بڑا اضافہ  

(ویب ڈیسک)مہنگائی سے پریشان عوام کیلئے بری خبر،لاہور میں مرغی کے گوشت کی قیمت میں مزید اضافہ کر دیا گیا۔

مارکیٹ ذرائع کے مطابق  مرغی کی فی کلو قیمت میں 12 روپے اضافہ کیا گیا ہے،شہر میں گزشتہ 2 روز کے دوران 60 روپے فی کلو کا اضافہ ہو چکا ،ذرائع کا کہنا ہے کہ آج فی کلو مرغی کی قیمت 509 روپے ہو گئی ہے اور مرغی کے صاف گوشت کی قیمت 550 روپے کلو سے بھی زیادہ ہے۔

مارکیٹ ذرائع نے بتایا ہے کہ 2 ماہ میں مرغی کی فی کلو قیمت میں 2 سو روپے کا اضافہ ہوا ہے،صورتحال اسی طرح رہی تو مرغی کے گوشت کی قیمت میں مزید اضافے کا امکان ہے۔