چیمپئنز ٹرافی : فخر زمان ، امام الحق اور شاداب خان کی ٹیم میں واپسی متوقع 

( ویب ڈیسک)آئی سی سی چیمپئنز ٹرافی کے لیے پاکستانی سکواڈ میں 3پرانے کھلاڑیوں فخر زمان، شاداب خان اور امام الحق کی واپسی کا امکان ظاہر کیا جا رہا ہے۔

ذرائع کا کہنا ہے کہ چیمپئنز ٹرافی کے لیے پاکستان کے  سکواڈ میں واحد وکٹ کیپر کپتان محمد رضوان ہوں گے جبکہ اس بڑے ایونٹ میں 4 فاسٹ باؤلرز شامل ہوں گے۔

 ذرائع نے مزید بتایا کہ چیمپئنز ٹرافی 2025ء کے لیے پاکستان کے  سکواڈ میں 3 اسپنرز کی بھی شمولیت کا امکان ہے ، اس کے علاوہ  سکواڈ میں 7 بیٹرز کو رکھا جائے گا۔

واضح رہے کہ آئی سی سی چیمپئنز ٹرافی کا افتتاحی میچ 19 فروری کو کراچی میں پاکستان اور نیوزی لینڈ کے درمیان کھیلا جائے گا۔