جمائما گولڈ اسمتھ ن لیگ پر برہم ہوگئی

(ویب ڈیسک )چیئرمین پی ٹی آئی عمران خان کی سابقہ اہلیہ جمائما گولڈ اسمتھ نے اپنی 88 سالہ والدہ کے گھر کے باہر احتجاج کی کال دینے پر مسلم لیگ (ن) کو تنقید کا نشانہ بنایا ہے۔

تفصیلات کے مطابق جمائما گولڈ اسمتھ نے اپنے سوشل میڈیا پیغام میں کہا کہ ’ان لوگوں (مسلم لیگ ن) کے ساتھ کیا مسئلہ ہے؟، رواں ہفتے کے آخر میں میری 88 سالہ والدہ کے گھر کے باہر ایک اور بڑے مظاہرے کا اعلان کیا گیا ہے‘۔

عمران خان کی سابقہ اہلیہ نے کہا کہ ’یہ تیسرا موقع ہے کہ جب میری والدہ کے گھر کے باہر ایسا احتجاج کیا جا رہا ہے‘۔اُنہوں نے سوالیہ انداز میں کہا کہ ’میری ماں کا پاکستانی سیاست سے کیا تعلق ہے؟‘

What the hell is wrong with these people @pmln_org ? Another mass demonstration announced outside my 88 year old mother’s house this weekend. This is the third time! What has my Mum got to do with Pakistani politics? It’s disruptive for her & a total waste of police time.

— Jemima Goldsmith (@Jemima_Khan) June 30, 2022

جمائما نے مزید کہا کہ ’اس طرح کے احتجاج سے ناصرف میری والدہ کی زندگی میں خلل پرتا ہے بلکہ پولیس کا وقت بھی ضائع ہوتا ہے‘۔

واضح رہے کہ رواں سال اپریل میں بھی مسلم لیگ (ن) برطانیہ نے عمران خان کی سابقہ اہلیہ جمائما گولڈ اسمتھ کی رہائش گاہ کے باہر زبردست احتجاجی مظاہرہ کیا تھا۔