متھیرا نے منال خان کو ’نصیحت‘ کردی ویڈیو وائرل

(ویب ڈیسک)  پاکستان کی مشہور  اداکارہ منال خان نے حالیہ دنوں امریکی ماڈل کائیلی جینر کے ناشتے کی تصویر چوری کرکے اپنے انسٹاگرام اکاﺅنٹ پر پوسٹ کر دی تھی جس پر انٹرنیٹ صارفین نے منال خان کا خوب مذاق اڑایا اور ان کی کئی میمز بنائیں۔ اب ماڈل، ڈانسر اور ٹی وی میزبان متھیرا نے بھی منال خان کو کھری کھری سنا دی ہیں۔ 

 تفصیلات کے مطابق متھیرا کا  سوشل میڈیا پر ایک ویڈیو کلپ وائرل ہو رہا ہے جس میں اداکارہ جویریہ بھی ان کے ساتھ موجود ہوتی ہیں۔ متھیرا کہتی ہیں کہ ”ہم کسی کی چیز کو کو کاٹ پیٹ کر اپنا بنانے کی کوشش کرتے ہیں۔ کیا ہم احساس کمتری کا شکار ہیں یا لوگوں کو اپنی کلاس کی فکر رہتی ہے؟ متھیرا نے منال خان کی اس چوری پر طنز کرتے ہوئے کہا کہ ”اپنا جو بھی ناشتہ ہے، چاہے وہ انڈا پراٹھا، ڈبل روٹی کچھ بھی ہو، وہی سٹیٹس پر لگاﺅ۔“

View this post on Instagram

A post shared by Instant Lollywood (@instant_lollywood)

متھیرا نے منال خان کو مخاطب کرتے ہوئے کہا کہ ”منال اگلی بار جب کسی کا سٹیٹس چوری کرنا ہو تو اس کا کرنا جس کے فالوورز کی تعداد کم ہو۔ کائیلی جینر کو پوری دنیا فالو کرتی ہے، اور لگایا بھی کچھ دن بعد کرو، تاکہ لوگ پہچان نہ سکیں۔“

یاد رہے کہ اداکارہ منال خان کو اپنی انسٹاگرام اسٹوری پر کیلی جینز کی جیسی تصویر لگانے پر سوشل میڈیا صارفین اور مداحوں کی جانب سے تنقید کا نشانہ بنایا  گیا تھا۔