ضمنی الیکشن اورمخصوص نشستوں کے نوٹیفکیشن تک حمزہ کو قبول کیا،اسد عمر 

(24 نیوز)تحریک انصاف کے رہنما اسد عمر نے کہاہے کہ ہم نہ کل حمزہ شہباز کو مانتے تھے نہ آج مانتے ہیں ،صرف ضمنی الیکشن، مخصوص نشستوں کے نوٹیفکیشن تک حمزہ کو قبول کیا۔
لاہور ہائیکورٹ فیصلے کیخلاف پی ٹی آئی کی اپیل پر سپریم کورٹ میں سماعت کے بعد میڈیا سے گفتگو کرتے ہوئے اسد عمر نے کہاکہ پاکستان میں لوٹوں کی سیاست کو ہمیشہ کیلئے دفن کردیا گیا ہے،خوشی ہے جمہوریت کی بہتری کیلئے پی ٹی آئی نے یہ لڑائی لڑی،ان کاکہناتھا کہ ہم نہ کل حمزہ شہباز کو مانتے تھے نہ آج مانتے ہیں ،صرف ضمنی الیکشن، مخصوص نشستوں کے نوٹیفکیشن تک حمزہ کو قبول کیا۔
پی ٹی آئی رہنما نے کہاکہ یہ موقف عدالت میں بھی اپنایا کہ خدشات شدید ہیں ،پنجاب میں حکومتی مشینری کا استعمال، لوگوں پر دباﺅ ڈالا جارہا ہے،پنجاب میں غیرقانونی ترقیاتی کام بھی کرائے جا رہے ہیں ،ایسے افسروں کو لگایا جا رہاہے جو ٹھیک نہیں ہیں ،اسد عمر نے کہاکہ چیف جسٹس نے کہاصاف و شفاف الیکشن ہوں ،ان کا کہناتھا کہ پی ٹی آئی کی مقبولیت سے ن لیگ کو اپنی شکست نظر آرہی ہے ۔

یہ بھی پڑھیں: وزیراعلیٰ کا دوبارہ انتخاب 22 جولائی کو ہوگا، سپریم کورٹ