بلدیاتی الیکشن کی تیاریاں شروع 

(24 نیوز)پنجاب حکومت نے اگلے بلدیاتی الیکشن کی تیاری شروع کر دی، بلدیاتی انتخابات نومبر یا مارچ کو کرانے کی تجویز تیار کی گئی ہے۔

تفصیلات کے مطابق محکمہ بلدیات نے حلقہ بندیوں کا عمل اکتوبر تک مکمل کرنے کا فیصلہ کیا ہے۔ ذرائع کے مطابق محکمہ بلدیات الیکشن کمیشن کو اگلے اجلاس میں اپنی تیاریوں کے سلسلہ میں آگاہ کرے گا۔
دوسری جانب الیکشن کمیشن آف پاکستان میں بلدیاتی انتخابات کے انعقاد کے سلسلے میں منعقدہ اجلاس میں سیکرٹری الیکشن کمیشن نے اجلاس کو بریفنگ دیتے ہوئے کہا کہ پنجاب میں بلدیاتی حلقوں کی تعداد 25 ہزار اور خیبر پختون خوا میں 4 ہزار ہے۔
 بلدیاتی انتخابات کے لیے پنجاب میں 20 کروڑ جبکہ خیبر پختونخوا میں 10 کروڑ بیلٹ پیپرز چھاپنا ہوں گے۔ بلدیاتی انتخابات کے لیے بیلٹ پیپرز کی تعداد عام انتخابات سے 4 گنا زیادہ ہو گی۔ 
یہ بھی پڑھیں: جہانگیر ترین کیخلاف کارروائی ۔وفاقی حکومت نے گرین سگنل دیدیا