پٹرولیم مصنوعات کی قیمتو ں میں 27 روپے کا بڑا اضافہ

(ویب ڈیسک) پٹرولیم مصنوعات کی قیمتوں میں اضافہ روز کا معمول بن گیا،   رواں برس کے آغاز سے تاحال متحدہ عرب امارات میں پٹرول کی قیمت دوگنی ہوچکی،متحدہ عرب امارات (یو اے ای) میں پٹرولیم مصنوعات کی قیمتوں میں تقریباً 27 روپے کا اضافہ کیا گیا ہے جس کے بعد فی لیٹر پٹرول 225 پاکستانی روپے میں ملے گا۔ 

غیر ملکی میڈیاکے مطابق یو اے ای میں پٹرولیم مصنوعات کی قیمتوں میں ماہانہ رد وبدل کے سلسلے میں جون کے مہینے سے پٹرول کی قیمت میں 27 پاکستانی روپے تک کا اضافہ کیا گیا ہے جس کے بعد یو اے ای میں اب ایک لیٹر پٹرول 4.15 درہم کا ملے گا جو پاکستانی روپوں میں 225 روپے کا بنتا ہے۔

یہ بھی پڑھیں: عمر سرفراز چیمہ کی برطرفی کیخلاف درخواست۔عدالت سے اہم خبر آ گئی

خیال رہے کہ  گزشتہ مہینے فی لیٹر پٹرول کی قیمت 3.66 درہم فی لیٹر یعنی 198 پاکستانی روپے تھی جبکہ ڈیزل کی قیمتوں میں بھی اضافہ کردیا گیا ہے اور ایک لیٹر ڈیزل کی قیمت 4.14 درہم یعنی 225 پاکستانی روپے ہو گئی ۔