جناح ہاؤس حملہ کیس: پولیس نے 25 ملزمان کو انسداد دہشت گردی عدالت میں پیش کر دیا
Stay tuned with 24 News HD Android App
(جمال الدین) جناح ہاؤس حملہ کیس میں نئے گرفتار ملزمان کی شناخت پریڈ ، پولیس نے 25 ملزمان کو انسداد دہشت گردی عدالت میں پیش کیا۔
انسداد دہشت گردی عدالت کے جج اعجاز احمد بٹر نے سماعت کی۔ تفتیشی افسر نے ملزمان کی شناخت پریڈ کیلئے استدعا کرتے ہوئے کہا کہ ملزمان جناح ہاؤس حملہ کے مقدمہ نمبر 96/23 مین ملوث ہیں۔ جس پر عدالت نے ملزمان کو شناخت پریڈ کیلئے 6 روزہ جوڈیشل ریمانڈ پر جیل بھجوا دیا۔
یہ بھی پڑھیں: کیا آئین میں شہریوں کی فون کالز کو ریکارڈ کرنے کی اجازت ہے؟ اسلام آباد ہائی کورٹ
ملزمان کی جیل وین میں ہی حاضری مکمل کرائی گئی۔ ملزمان میں زین العابدین، عبید اللہ، محمد سلیمان، ذیشان صدیقی، زبیر حسن اور اکرام اللہ سمیت 25 ملزمان شامل ہیں۔