(24 نیوز )آئی سی سی ٹی 20ورلڈ کپ میں شرکت کیلئے پاکستان کرکٹ ٹیم لندن سے امریکا پہنچ گئی۔
تفصیلات کے مطابق پاکستان کرکٹ ٹیم دورہ یورپ میں آئرلینڈ اور انگلینڈ کیخلاف ٹی 20سیریز کھیلنے کے بعد لندن سے امریکا پہنچ گئی ہے،پاکستان کرکٹ ٹیم ریاست ٹیکساس کے شہر ڈیلاس پہنچی ہے، جہاں آئی سی سی ٹی 20ورلڈ کپ کے گروپ اے میں پاکستان کا پہلا میچ 6 جون کو میزبان امریکا سے ہو گا۔
واضح رہے کہ آئی سی سی ٹی ٹوئنٹی ورلڈکپ کا انعقاد امریکا اور ویسٹ انڈیز میں ہورہا ہے، ایونٹ یکم جون سے شروع ہوگا،پاکستان نے دورہ یورپ میں آئرلینڈ کے خلاف ٹی ٹوئنٹی سیریز جیتی جبکہ گرین شرٹس کو انگلینڈ نے 4 میچز کی سیریز میں 2 صفر سے شکست دی۔