ڈونلڈ ٹرمپ کا اگلا صدارتی الیکشن لڑنے کا ارادہ

(24 نیوز) سابق امریکی صدر ڈونلڈ ٹرمپ نے اگلے صدارتی الیکشن میں حصہ لینے کا عندیہ دے دیا۔سابق صدر نے کہا ہےکہ نومبر میں ہونے والے امریکی صدارتی انتخاب کو چرایا گیا۔  

میڈیا رپورٹس کے مطابق کنزرویٹو پولیٹیکل ایکشن کانفرنس سے خطاب کرتے ہوئے ڈونلڈ ٹرمپ نے کہا کہ نئی پارٹی بنانے سے متعلق مجھ سے منسوب خبریں جعلی ہیں۔ ری پبلکن کو پہلے سے زیادہ مضبوط اور منظم کرنا چاہتا ہوں۔ انہوں نے کہا کہ کوئی نئی سیاسی جماعت بنانے کا ارادہ نہیں۔ سابق صدر نے کہا کہ نومبر میں ہونے والے امریکی صدارتی انتخاب کو چرایا گیا۔ فی الحال وائٹ ہاؤس کی دوڑ ہار گیا ہوں تاہم اگلی بار شکست دینے کا فیصلہ کرسکتا ہوں۔