(24نیوز)پہلا جناح گولڈ پولو کپ کل سے جناح پولو اینڈ کنٹری کلب میں کھیلا جائے گا۔
تفصیلات کے مطابق چودہ گول کے ٹورنامنٹ میں پہلی مرتبہ نو ٹیمیں حصہ لے رہی ہیں ، ہر ٹیم میں دو دو غیر ملکی کھلاڑی اور امپائرز ہونگے۔ جناح گولڈ پولو کپ کا فائنل اتوار کو کھیلا جائے گا۔
کرنل (ر)شعیب آفتاب صدر جناح پولو کلب اور ایگزیکٹو کمیٹی کے ممبر صوفی محمد نے پریس کانفرنس میں کہا کہ غیر ملکی کھلاڑیوں کا اتنی بڑی تعداد میں کھیلنا قابل ستائش ہے۔انٹرنیشنل کھلاڑیوں کی وجہ سے پاکستان کا مثبت امیج دنیا میں جائے گا۔ارجنٹینا، چلی، ایران اور انگلینڈ سے تعلق رکھنے والے کھلاڑی ایونٹ میں حصہ لے رہے ہیں۔