پہلے بھی سینیٹ میں3 مرتبہ کامیابی ملی، اللہ نے چاہا تو پھر کامیاب ہونگا، حفیظ شیخ

(24نیوز)وفاقی وزیر خزانہ حفیظ شیخ کاکہناہے کہ میراخاندان 70سال سے سیاست اورپبلک سروس میں ہے، میرے ناناوزیراعلیٰ رہے ہیں،اللہ نے اس سے قبل مجھے سینیٹ میں 3مرتبہ کامیابی دی ہے،3مارچ کو بھی اللہ نے چاہا تو مجھے کامیابی ملے گی۔
وفاقی وزیر خزانہ حفیظ شیخ نے اتحادی جماعتوں کے رہنماﺅں کے ہمراہ پریس کانفرنس کرتے ہوئے کہاکہ 3 مارچ تاریخی دن ہوگا کامیاب ہوں گے،چاہتے ہیں سینیٹ الیکشن شفاف ہوں ،چاہتے ہیں سینیٹ الیکشن میں خریدوفروخت نہ ہو،پاکستان کے عوام ایوان میں صاف شفاف قیادت دیکھناچاہتے ہیں۔
حفیظ شیخ نے کہاکہ پاکستان کو خوشحال بنانے کیلئے کوشاں ہیں،کوشش کریں گے معیشت کے استحکام کے فوائد عام عوام تک پہنچیں،لوگوں کی امیدوں پرپورااترنے کی کوشش کررہے ہیں،وزیر خزانہ نے کہاکہ ہمارے اتحادی ساتھ کھڑے ہیں۔