60کلومیٹر  طویل روسی فوجی قافلے کی  کیف کی طرف پیش قدمی،سیٹلائٹ پکچرز ویڈیو  کی دھوم

(مانیٹرنگ ڈیسک)روس کی جانب سے یوکرین میں کیا جانیوالا فوجی آپریشن اپنے چھٹے روز میں داخل ہوگیا ہے۔ سیٹلائٹ تصاویر سے لی گئی تصاویر میں دیکھا جا سکتا ہے کہ روسی فوج کا 60کلومیٹر سے زیادہ طویل قافلہ یوکرین کے دارالحکومت کیف کی طرف پیش قدمی کر رہی ہے۔

العریبہ ٹی وی چینل کی رپورٹ کے مطابق امریکا میں قائم کمپنی  کمپنی "ماکسر" کی ے نئی سیٹلائٹ تصاویر شائع کی ہیں جن میں روسی فوجی قافلے کو یوکرین کے دارالحکومت سے تقریباً 40 میل (60 کلومیٹر) شمال مغرب میں ایوانکیو علاقے کے قریب دکھایا گیا ہے۔امریکی کمپنی نے یوکرین کی سرحد سے 32 کلومیٹر سے بھی کم شمال میں جنوبی بیلاروس میں زمینی جارحانہ فورسز پر مشتمل ہیلی کاپٹر یونٹوں کی تعیناتی کی بھی نشاندہی کی ہے۔

صور أقمار اصطناعية: قافلة عسكرية روسية تمتد لـ27 كيلومترا تتجه صوب كييف
#العربية pic.twitter.com/ltAYZZJ7rP

— العربية (@AlArabiya) February 28, 2022

یہ پیشرفت اس وقت ہوئی جب روسی وزارت دفاع نے روسی آپریشن کے آغاز سے لے کر اب تک 1,146 یوکرائنی فوجی ٹھکانوں کو تباہ کرنے کا اعلان کیا ہے۔ اس کے علاوہ 6 یوکرائنی فوجی قافلے، جن میں 31 کمانڈ اور کمیونیکیشن سینٹرز، 81 S-300، Buk M-1، اوسا میزائل سسٹم اور 75 ریڈار اسٹیشن شامل ہیں کو تباہ کردیا گیا ہے۔روسی فوج نے 311 ٹینکوں اور بکتر بند گاڑیوں، 42 طیاروں اور ہیلی کاپٹروں سمیت ان کے اسٹینڈز، 51 میزائل لانچرز اور ہر قسم کی 147 توپ خانے کو بھی تباہ کرنے کا دعویٰ کیا۔

واضح رہےکہ پیر کے روز روسی اور یوکرینی وفود مذاکرات کے پہلے دور کے بعد اپنے اپنے ملکوں کو چلے گئے۔ جہاں وہ بات چیت میں ہونےوالی پیش رفت پر مشاورت کریں گے۔دونوں فریق بات چیت کے "دوسرے دور" کے انعقاد پر رضامند ہو گئے۔

یہ بھی پڑھیں: ’ ارطغرل غازی‘ کے ہیرو کا یوکرین تنازع پر  امن کا خصوصی پیغام