(24نیوز)پی ایس ایل 8 کے میچ میں محمد عامر کی تباہ کن بولنگ کے بعد پشاور زلمی نے شاندار کم بیک کیا اور 197 رنز بنا ڈالے، کراچی کنگز 24 رنز سے شکست کھاگئی۔
پی ایس ایل 8 کے میچ میں محمد عامر کی تباہ کن بولنگ کے بعد پشاور زلمی نے شاندار کم بیک کیا اور کراچی کنگز کو جیت کیلئے 198 رنز کا ہدف دیدیا۔ محمد عامر نے پہلے ہی اوور میں بابر اعظم اور محمد حارث کو آؤٹ کردیا تھا۔پشاور زلمی نے مقررہ 20 اوورز میں 5 وکٹ پر 197 رنز بنائے اور کراچی کنگز کو 198 رنز کا ہدف دے دیا۔
پاکستان سپر لیگ (پی ایس ایل) 8 کے 17 ویں میچ میں کراچی کنگز نے پشاور زلمی کے خلاف ٹاس جیت کر فیلڈنگ کا فیصلہ کیا ہے۔ پی ایس ایل 8 کا راولپنڈی کرکٹ اسٹیڈیم پر یہ پہلا میچ ہے.
ایچ بی ایل پی ایس ایل 8 کا راولپنڈی کرکٹ اسٹیڈیم پر یہ پہلا میچ ہے، عماد وسیم اور بابر اعظم ٹاس کےلیے میدان میں اترے۔ایونٹ میں کراچی کنگز اور پشاور زلمی کا یہ دوسرا میچ ہے، 14 فروری کو کراچی میں کھیلے گئے میچ میں دونوں ٹیموں کے درمیان دلچسپ مقابلہ دیکھنے میں آیا تھا، جو بابر اعظم الیون نے صرف 2 رنز سے اپنے نام کیا تھا۔
پی ایس ایل میں پشاور زلمی اور کراچی کنگز کے درمیان کھیلے گئے آخری 5 مقابلوں میں پشاور کی ٹیم ہی فاتح رہی ہے۔