آسٹریلوی کپتان کا افغان بیٹر کیخلاف سپورٹس مین سپرٹ کا مظاہرہ

 ( 24  نیوز )آسٹریلوی کپتان سٹیو سمتھ نے افغانستان کے خلاف میچ کے 47 ویں اوور میں نور احمد کے خلاف رن آؤٹ کی اپیل واپس لے کر سپورٹس مین شپ کا مظاہرہ کر دیا۔

لاہور میں جاری چیمپئنز ٹرافی کے نویں میچ میں آسٹریلوی کپتان کی جانب سے اس وقت اسپورٹس مین شپ کا مظاہرہ کیا گیا جب وکٹ کیپر جوش انگلس نے اوور پکارے جانے سے قبل نور احمد کے کریز چھوڑنے پر بیلز اڑائیں۔

 یہ بھی پڑھیں:قومی ٹیم میں تبدیلیاں،شاہدآفریدی اور وسیم اکرم آمنے سامنے

نور احمد کی جانب سے کریز چھوڑنے کا مقصد رن لینا نہیں تھا بلکہ غلطی سے بال کو ڈیڈ سمجھ کر وہ ساتھی بیٹر عظمت اللہ عمر زئی سے بات کرنے بیچ پچ پر چلے گئے تھے، جبکہ بال لائیو تھی اور امپائر نے ’اوور‘ نہیں کہا تھا۔

ری پلے میں دِکھایا گیا کہ نور کریز سے باہر ہیں لیکن اسٹیون اسمتھ نے فوران امپائرز کی جانب اشارہ کر کے اپیل پر عمل کرنے منع کیا۔

اس متعلق اصول واضح ہے کہ اگرچہ افغانستان کا مقصد رن لینا نہیں تھا لیکن جب تک بال ڈیڈ نہ ہوجائے کریز سے باہر ہونے پر اگر وکٹ پر گیند مار دی جائے تو رن آؤٹ قرار دیا جاتا ہے۔ اگر اسٹیون اسمتھ اپیل واپس نہیں لیتے تو نور کو آؤٹ قرار دے دیا جاتا۔