(ویب ڈیسک)راکھی ساونت نے سلمان خان کےلیےپاکستان میں دلہن ڈھونڈنے کا حیران کن انکشاف کردیا۔
راکھی ساونت نے اپنی ایک ویڈیو میں دعویٰ کیا ہے کہ میں نے اپنے منہ بولے بھائی سلمان خان کے لیے پاکستانی دلہن تلاش کرلی ہے۔
ہمیشہ خبروں میں رہنے والی بھارتی رقاصہ اوراداکارہ راکھی ساونت نے کہا کہ میں نے پاکستان کی خوبصورت اداکارہ ہانیہ عامر کو سلمان خان کیلئے پسند کیا ہے۔
وائرل ویڈیو میں راکھی ساونت نے سلمان خان کو مخاطب کرتے ہوئے کہا کہ بھائی، میں نے بھابھی چن لی ہے اور وہ ہانیہ عامر ہیں۔
راکھی ساونت نے ہانیہ عامر کو بھی مخاطب کرتے ہوئے کہا کہ بالی ووڈ کے بجرنگی بھائی جان سلمان خان میرے بھائی ہیں اور آپ پاکستان سے میری بھابھی ہیں۔
سلمان خان اور ہانیہ عامر کی شادی کے ساتھ ساتھ راکھی ساونت نے ہانیہ عامر کو سلمان خان کے ساتھ فلم میں کام کرنے کی دعوت بھی دےدی ہے۔
یہ بھی پڑھیں:بھارت میں میرے حسن کا موازنہ ایشوریا اور مادھوری سے کیا گیا:میرا کا دعویٰ
راکھی ساونت کے اس بیان پر سلمان خان اور ہانیہ عامر کا کوئی ردعمل سامنے نہیں آیا جبکہ سوشل میڈیا صارفین نے بھی اس بیان کو محض سستی شہرت کا ذریعہ قرار دیا ہے۔
واضح رہے کہ راکھی ساونت اور ہانیہ عامر کے درمیان سوشل میڈیا پر ہلکی پھلکی لفظوں کی جنگ بھی شروع ہوئی تھی۔