چیمپئنز ٹرافی:بارش سے متاثرہ میچوں کے ٹکٹوں کی ری فنڈنگ شروع
کیپشن: تصویر، فائل
Stay tuned with 24 News HD Android App
(24 نیوز)پاکستان کرکٹ بورڈ نے بارش سے متاثر ہونے والے میچوں کی ٹکٹوں کی واپسی شروع کرنے کا اعلان کر دیا ہے، راولپنڈی کرکٹ سٹیڈیم میں دو میچز بغیر گیند کرائے ختم ہوگئے تھے۔
چیمپئنز ٹرافی 2025 کے لیے پی سی بی ٹکٹ کی واپسی کی پالیسی کے مطابق ٹکٹ ہولڈر مکمل رقم کی واپسی کے اہل ہیں اگر میچ ٹاس سے پہلے ہی ختم کردیا گیا ہو۔
ہاسپٹلیٹی باکسز کے ٹکٹ (باکس اور پی سی بی گیلری) کے ٹکٹ ہولڈرز رقم کی واپسی کے اہل نہیں ہوں گے۔
اہل ٹکٹ ہولڈرز پیر 10 مارچ 2025 سے جمعہ 14 مارچ 2025 کے درمیان منتخب TCS آؤٹ لیٹس پر اپنی رقم کی واپسی کا دعویٰ کر سکتے ہیں۔
خریدار کو رقم کی واپسی کا دعوی کرنے کے لیے ذاتی طور پر TCS آؤٹ لیٹ جانا ہوگا۔ اس کی طرف سے کوئی اور رقم کی واپسی کا دعوی نہیں کرسکتا۔