اسحاق ڈاراور ڈینش وزیر خارجہ میں ٹیلیفونک گفتگو،دوستی کو مضبوط اقتصادی شراکت داری میں تبدیل کرنے کے عزم کا اظہار

(انور عباس) نائب وزیراعظم اسحاق ڈار  کی ڈنمارک کے وزیر خارجہ لارس لوکے راسموسن کے ساتھ ٹیلیفون پر بات چیت، دونوں راہنماؤں نے پاکستان اور ڈنمارک کے درمیان دیرینہ دوستی کو مضبوط اقتصادی شراکت داری میں تبدیل کرنے کے عزم کا اظہار کیا ہے۔ 

ترجمان دفتر خارجہ شفقت علی خان کے مطابق نائب وزیر اعظم اسحاق ڈار نے ڈنمارک کے وزیر خارجہ لارس لوکے راسموسن کے ساتھ ٹیلیفون پر نتیجہ خیز  بات چیت  کی، دونوں راہنماؤں نے پاکستان اور ڈنمارک کے درمیان دیرینہ دوستی کو مضبوط اقتصادی شراکت داری میں تبدیل کرنے کے عزم کا اظہار کیا, انہوں نے پبلک پرائیویٹ پارٹنرشپ کے فروغ کے ذریعے تجارت اور سرمایہ کاری میں تعاون کو تیز کرنے کے طریقے تلاش کئے۔ اس کے علاوہ اقوام متحدہ سلامتی کونسل کےغیر مستقل اراکین کی حیثیت سے، انہوں نے باہمی مفادات، امن اور پائیدار ترقی کےفروغ کے لیے کثیر الجہتی پلیٹ فارمز پر تعاون کرنے کا عہد کیا۔