پاکستان میں کورونا کی دو ایسی اقسام سامنے آگئیں جن پر ویکسین اثر نہیں کرتی 

(24نیوز) کراچی میں کورونا وائرس کی دو ایسی اقسام سامنے آگئیں جن پر ویکسین اثر نہیں کرتی اور ویکسین لگوانے کے باوجود کورونا وائرس ہوسکتا ہے۔
اس حوالے سے وزیر صحت اور بہبود آبادی ڈاکٹر عذرا افضل پیچوہو نے کہا ہے کہ آغا خان ہسپتال میں کورونا وائرس کے 13 سیمپلز کی سٹڈی کی گئی جن میں 10 برطانوی، 2 جنوبی افریقی اور ایک برازیلین ویرینٹ پایا گیا، جنوبی افریقی اور برازیلین ان دو اقسام کے ویرینٹس پر ویکسین اثرانداز نہیں ہوتی، ویکسین کرانے کے باوجود بھی یہ ویرینٹ لگ سکتا ہے، ویرینٹ پھیلا تو صورتحال بگڑنے کا خدشہ ہے، محکمہ صحت اور ہسپتالوں پر شدید دباؤ پڑسکتا ہے۔
اپنے ویڈیو بیان میں انہوں نے کہا کہ برطانوی ویرینٹ تیزی سے پھیلنے والا ہے جبکہ جنوبی افریقا اور برازیلین ویرینٹ کے وائرس سے اموات کی شرح بہت زیادہ ہے، ان دونوں ویرینٹس پر ویکسین کا اثر بھی نہیں ہوتا، ویکسین کرانے کے باوجود بھی یہ ویرینٹ آپ کو لگ سکتا ہے۔
عذرا افضل پیچوہو نے مزید کہا کہ اگر یہ غیر ذمہ داری یونہی رہی تو حالات بہت زیادہ خراب ہوسکتے ہیں، اگر بھارت کی طرح وائرس کا پھیلاؤ شروع ہوا تو ہم مشکل میں آجائیں گے، عوام احتیاطی تدابیر اور ایس او پیز پر عمل کریں۔

South African & Brazilian variant of COVID-19 found in samples taken by AKU. This is an emergency as these variants are not vaccination responsive either. Therefore it is important for everyone to take all necessary precautions & take this seriously. #SindhHealth pic.twitter.com/F6IRNDTyBQ

— Health and Population Welfare Department, Sindh (@SindhHealthDpt) April 30, 2021

یہ بھی پڑھیں: خیبرپختونخوا میں بھی عید پر بازار بند رکھنے کافیصلہ