(24 نیوز)ارجنٹائن اور بارسلونا فٹ بال کلب کے اسٹار کھلاڑی لیونل میسی کے جوتے ایک لاکھ 75 ہزار ڈالر میں نیلام ہو گئے۔
غیر ملکی میڈیا کے مطابق خیراتی ادارے کو رقم دینے کے لئے لیونل میسی کے جوتوں کی جوڑی نیلامی کےلئے پیش کی گئی تھی۔لیونل میسی نے یہ جوتے اس وقت پہنے تھے جب انہوں نے گول کر کے لیجنڈ ری پیلے کا زیادہ گول کا ریکارڈ توڑا تھا۔
پیلے ایک بڑا فٹ بالر تھا جس نے برازیلین کلب کے لئے 1956 سے 1974 کے درمیان سب سے زیادہ 643 گول کا ریکارڈ بنایا تھا۔
اس موقع پرلیونل میسی نے کہا کہ 644 گول کرنے کا ریکارڈ بنانے پر اپنی جگہ بڑی خوشی ہوئی مگر اس سے زیادہ خوشی ان بچوں کےلئے کچھ کرنے پر ہے جو صحت سے لڑ رہے ہیں۔
یہ بھی پڑھیں:کرکٹرشعیب اختر کا اولاد کی اچھی تربیت کے حوالے سے والدین کے نام اہم پیغام