(ویب ڈیسک)دکی میں کوئلہ کان میں پھنسے ہوئے تین کان کنوں میں سے دو جاں بحق ہوگئے جبکہ ایک کو ریسکیو کرلیا گیا۔
مائنز ذرائع کے مطابق دمڑکول مائنز میں 1400 فٹ اندر زہریلی گیس بھر جانے سے تین کان کن پھنس گئے تھے، جس کے بعد پھنسے ہوئے کان کنوں کو نکالنے کیلئے ریسکیو آپریشن شروع کیا گیا۔
ذرائع کے مطابق آپریشن کے دوران پھنسے ہوئے دو کان کنوں کی لاشیں نکال لی گئی ہیں اور ایک کان کن کو پہلے ہی ریسکیو کر لیا گیا تھا،کان کنوں کی لاشیں ضروری کارروائی کے بعد ان کے آبائی علاقے افغانستان روانہ کی جائیں گی۔
واضح رہے کہ کوئلے کی کان میں گیس بھرنے کے باعث پہلے بھی اس طرح کے افسوس ناک واقعات رونماہوچکے ہیں۔