گلوبل سپر لیگ کیلئے ڈیرن گف لاہور قلندرز کے ہیڈ کوچ مقرر

(24 نیوز)گیانا  میں شیڈول گلوبل سپر لیگ (جی ایس ایل)  کیلئے لاہور قلندرز نے ڈیرن گف کو ہیڈ کوچ مقرر کردیا۔

گلوبل سپر لیگ کا آغاز  گیانا میں  26 نومبر سے  ہو گا اور ڈیرن گف 23 نومبر کو سکواڈ کو جوائن کریں گے۔

ڈیرن گف کی تقرری پر لاہور قلندرز کی انتظامیہ نے کہا ہےکہ انگلینڈ کے سابق فاسٹ بائولر اور سابق ایم ڈی یارکشائر کاؤنٹی ڈیرن گف کا ہیڈ کوچ کے طور پر تقرر کرکے خوش ہیں۔

 ڈیرن گف گلوبل سپر لیگ میں اپنی ذمہ داریوں کا آغاز کریں گے۔

 دوسری جانب ڈیرن گف نے  لاہور قلندر کے ہیڈ کوچ بننے پر کہا کہ قلندرز کے ساتھ جڑنا اور کام کرنا اعزاز کی بات ہے۔

لاہور میں پلیئرز ڈیولپمنٹ پروگرام کے دوران معاونت کرچکا ہوں اور مستقبل میں بھی  لاہور قلندرز کے ساتھ کام کرنے کا منتظر ہوں۔