مصیبت کے وقت سچا دوست ہی دوست کے کام آتا ہے: چینی سفارتخانہ

(ویب ڈیسک) چینی سفارتخانے کا کہنا ہے کہ مصیبت کے وقت سچا دوست ہی دوست کے کام آتا ہے، چینی ریڈ کراس، کمپنیاں اور عوام پاکستان کی اعانت میں پیش پیش ہیں۔

A friend in need is a friend indeed.The Chinese Govt, Military & Sisters cites, Red Cross Society of China & companies and common people…All walks of life in China are motivated to assist Pakistan in fighting the floods. In the face of disaster, China stands with Pakistan. pic.twitter.com/T9bqxudfOJ

— Chinese Emb Pakistan (@CathayPak) September 30, 2022

چینی سفارتخانے نے پاکستان میں سیلابی صورتحال سے متعلق سماجی رابطے کی ویب سائٹ پر ٹویٹ کرتے ہوئے کہا کہ چینی حکومت، فوج اور دیگر سیلاب کی تباہ کاریوں سے نمٹنے میں پاکستان کی مدد کر رہے ہیں، چین کے ہر شعبہ زندگی سے وابستہ افراد پاکستان کی مدد کے لیے بڑھ چڑھ کر حصہ لے رہے ہیں، مصیبت کی اس گھڑی میں چین پوری طرح سے پاکستان کے ساتھ کھڑا ہے۔

 خیال رہے چین نے سیلاب زدگان کے لئے 64 کروڑ 41 لاکھ یو آن (90.2 ملین ڈالر) امداد دی۔ چینی حکومت کی جانب سے 400 ملین اور چینی فوج نے 100 ملین یو آن امداد فراہم کی۔ چینی عوام نے 125 ملین، سفارتخانہ 17 ملین اور ریڈ کراس سوسائٹی نے 201 ملین یو آن امداد دی۔