جماعت اسلامی کا 7 اکتوبر کو ملین مارچ کا اعلان
غزہ کے مسلمانوں سےاظہار یکجہتی کرینگے، غزہ میں جو ہورہا ہے ہم خاموش رہ کر تماشہ نہیں دیکھ سکتے۔ حافظ نعیم الرحمٰن
Stay tuned with 24 News HD Android App
(24 نیوز)جماعت اسلامی نے 7 اکتوبر کو ملین مارچ کا اعلان کردیا۔
امیر جماعت اسلامی حافظ نعیم الرحمٰن نے غزہ کے مسلمانوں سےاظہار یکجہتی کے لئے 7 اکتوبر کو ملین مارچ کا اعلان کردیا،اسلام آباد میں پریس کانفرنس کرتے ہوئے کہا کہ غزہ کے مسلمانوں سےاظہار یکجہتی کرینگے، غزہ میں جو ہورہا ہے ہم خاموش رہ کر تماشہ نہیں دیکھ سکتے۔
ان کا کہنا تھا کہ اسرائیل فلسطین، غزہ، لبنان اور یمن میں بمباری کررہا ہے، اسرائیل نے لبنان میں اپنی فوجیں اتارنا شروع کردی ہیں، گزشتہ سال اسرائیل کا انٹیلی جنس نیٹ ورک تباہ ہوگیا تھا۔
ضرورپڑھیں:محسن نقوی کی مولانا فضل الرحمان سے ملاقات ، جے یوآئی کا امیرمنتخب ہونے پرمبارکباد
حافظ نعیم الرحمٰن نے کہا کہ غزہ کے چاروں اطراف اسرائیل موجود ہے، اب تک اسرائیل نے 30 ہزار بچوں اور خواتین کو شہید کیا ہے، استقامت کا مظاہرہ کرنے پر فلسطین کے عوام کو خراج تحسین پیش کرتا ہوں۔ تمام مسلم ممالک کو فلسطین کے ساتھ کھڑا ہونا چاہئے تھا۔