(24نیوز)ممتاز کشمیری حریت رہنماسید علی گیلانی حیدر پورہ سری نگر میں اپنے گھر میں انتقال کر گئے ۔
تفصیلات کےمطابق آل پارٹیزحریت کانفرنس کےچیئرمین سید علی گیلانی گزشتہ کئی ماہ سےعلیل اورگھر پرنظربندتھے ۔ان کی وفات سے کشمیری قو م اپنے ایک بڑے رہنما سے محرو م ہو گئی۔کشمیر میڈیا سروس کے مطابق 92 سالہ کشمیری رہنما سید علی گیلانی کا انتقال سری نگر میں ہوا۔ ان کی رحلت کی تصدیق خاندان کے ایک فرد نے کی ۔
سید علی گیلانی 29 ستمبر 1929 کو پیدا ہوئے۔ وہ جماعت اسلامی مقبوضہ جموں و کشمیر کے رکن بھی رہے ، بعد میں سید علی گیلانی نے تحریکِ حریت کے نام سے اپنی جماعت بنائی ، وہ آل پارٹیز حریت کانفرنس کے چیئرمین بھی رہے۔سید علی گیلانی کے انتقال پر سابق وزیر اعلیٰ مقبوضہ کشمیر محبوبہ مفتی سمیت اہم رہنمائوں نے اظہار تعزیت کیا ہے۔
یہ بھی پڑھیں:صحافیوں کو ہراساں کرنے کا کیس،30 اگست کی سماعت کا تحریری حکمنامہ جاری