واٹس ایپ صارفین کیلئے خوشخبری،جلد چیٹ بوٹس متعارف کرائے جانے کا امکان

(ویب ڈیسک)واٹس ایپ صارفین کیلئے خوشخبری آگئی ۔چیٹ بوٹس کو بہتر کرنے پر کام جاری ہے۔چیٹ بوٹ جلد متعارف کرائے جانے کا امکان ہے جس سے پیغام رسانی میں آسانی ہوجائے گی ۔

میڈیا رپورٹس کے مطابق  جلد ہی اے آئی چیٹ بوٹ میں وائس چیٹنگ کا آپشن بھی متعارف کرایا جائے گا، جس کے تحت صارفین لکھنے کے بجائے بول کر اے آئی سے مدد حاصل کر سکیں گے،واٹس ایپ کی اپڈیٹس پر نظر رکھنے والی ویب سائٹ کے مطابق مذکورہ فیچر کی آزمائش پر کام شروع کردیا گیا، اس کی کامیاب آزمائش کے بعد اسے متعارف کرائے جانے کا امکان ہے۔

ضرورپڑھیں:انسٹاگرام نے اپنے صارفین کیلئے نیا دلچسپ فیچر متعارف کردیا

فیچر کے تحت صارفین کو اے آئی چیٹ بوٹ آپشن فراہم کرے گا کہ وہ چاہیں تو وائس چیٹ کریں، چاہیں تو پہلے کی طرح ٹیکسٹ چیٹ کریں،فیچر کے تحت اے آئی چیٹ بوٹ بھی وائس کے طور پر جواب دے گا، تاہم اگر اسے ہدایات کی جائیں کہ وہ اس کا تحریری جواب فراہم کرے تو وہ مطلوبہ معلومات ٹیکسٹ میں فراہم کرے گا۔

اس سے قبل یہ خبر بھی سامنے آئی تھی کہ واٹس ایپ پر ایک ایسے وائس فیچر کی بھی آزمائش کی جا رہی ہے، جس کے تحت صارفین بڑے آڈیو میسیج کو اے آئی کو بھیج کر اس کا ٹیکسٹ حاصل کر سکیں گے۔یعنی صارفین وائس میسیج کو اے آئی چیٹ میں بھیج کر اس کا فوری طور پر تحریری جواب حاصل کریں گے اور دونوں فیچرز کی آزمائش جاری ہے۔