بنگلادیش میں زیرِ تعلیم پاکستانی طلباء کا انسانی بنیادوں پر بڑا قدم

(ویب ڈیسک)  بنگلادیش میں تعلیم حاصل کرنے والے پاکستانیوں نے انسانی بنیادوں پر بڑا قدم اٹھایا، اور سیلاب متاثرین کے لیے امداد جمع کی۔

تفصیلات کے مطابق پاکستانی طلبہ نے بنگلادیشی سیلاب متاثرین کو 2 لاکھ 25 ہزار ٹکا کا عطیہ جمع کر کے دیا ہے، یہ عطیات پاکستانی طلبہ نے بنگلادیش میں موجود اپنے ساتھیوں اور پاکستانی شہریوں سے جمع کیے۔

ڈھاکا میڈیکل کالج میں پاکستانی طلبہ نے بنگلادیشی طلبہ رہنماؤں کو سیلاب متاثرین کے لیے امدادی رقم حوالے کی، پاکستانی طلبہ نے بنگلادیش کے مشیر امور نوجوانان اور کھیل آصف محمود سے بھی ملاقات کی، آصف محمود نے پاکستانی طلبہ سے اظہار تشکر کیا۔

یہ بھی پڑھیں: میری گوداُجڑنے سے بچالیں!!! دکھیاری ماں کی مریم نوازشریف سے التجا
واضح رہے کہ صرف پاکستانی طلبہ واحد غیر ملکی ہیں جنھوں نے اس اقدام میں حصہ لیا، امدادی رقم حوالگی کے موقع پر طلبہ نے پاکستان اور بنگلادیش کا پرچم اٹھا کر سیلاب متاثرین سے اظہار یکجہتی بھی کیا۔