جرمنی میں کورونا کیسز کی تعداد میں اضافہ، رات کا کرفیو نافذ

(24 نیوز)جرمنی کے دارالحکومت برلن میں کورونا کیسز میں اضافے کے پیش نظر آج (جمعہ) سے رات کا کرفیو لگایا جا رہا ہے ، اس کے اوقات رات نو بجے سے صبح پانچ بجے تک ہوں گے۔
غیر ملکی میڈیا رپورٹس کے مطابق جرمنی میں دو سے زائد افراد کے ایک ساتھ یکجا ہونے پر پابندی رہے گی۔برلن شہر  کے میئر مائیکل مُلیر نے جمعرات کو بتایا کہ متعدد  افراد کے لئے کرفیو ایک زبردست پابندی ہو سکتی ہے اور یہ ایک سنگین رکاوٹ ہو سکتی ہے۔

ادھر برطانوی اخبار کے مطابق حالیہ اعداد و شمار بتاتے ہیں کہ گزشتہ ہفتے 70 سال سے زیادہ عمر کے افراد کی کورونا سے اموات کی تعداد یومیہ 32 تھی۔اخبار کا کہنا ہے کہ ویکسین کے استعمال سے پہلے مجموعی اموات کی دو تہائی اموات 80 سال سے زیادہ عمر کے افراد کی ہو رہی تھیں لیکن ویکسین استعمال کئے جانے کے بعد یہ تعداد مجموعی اموات کے نصف سے بھی کم رہ گئی ہیں۔اخبار کے مطابق ویکسین استعمال کے بعد 10 ہفتوں کے دوران 70 سال سے زیادہ عمر کے افراد کی کورونا سے اموات میں 97 فیصد کمی آئی ہے۔

یہ بھی پڑھیں:  کورونا نے مزید 83 افراد کی زندگی نگل لی۔ 5234 نئے مریض