عامرلیا قت دل کی تکلیف میں مبتلا ، ہسپتال داخل 

(ویب ڈیسک)رکن قومی اسمبلی عامر لیاقت کی طبیعت ایک بار پھر ناساز ہوگئی ،دل کی تکلیف کے باعث ممبر قومی اسمبلی کو اسپتال کی ایمرجنسی وارڈ میں داخل کرادیا گیا ۔
تفصیلات کے مطابق عامر لیاقت نے اپنی طبیعت کی ناسازی کی خبر اپنے ٹوئٹر اکاونٹ پر خود شیئر کی ۔ عامر لیاقت نے بتایا کہ دل کی تکلیف کے باعث انہیں ایمرجنسی میں لے جایا گیا ۔

رکن قومی اسمبلی ڈاکٹر عامر لیاقت حسین کو دل کی تکلیف، ایمرجنسی لے جایا گیا، وزیراعظم کا اظہار تشویش، ڈاکٹرز کو توجہ دینے کی ہدایت، کل ویراعظم سے ملنے ضرور جاؤں گا ، عامر لیاقت کا ساتھ موجود اراکین سے مکالمہ@ImranKhanPTI @AliHZaidiPTI @Asad_Umar pic.twitter.com/Adzmi4GoiG

— Aamir Liaquat Husain (@AamirLiaquat) April 1, 2022

عامر لیاقت نے ٹوئٹ میں مزید بتایا کہ ان کی طبیعت ناسازی کا سن کر وزیر اعظم نے اظہار تشویش کیا ہے اور ڈاکٹرز کو توجہ دینے کی ہدایت بھی کی۔عامر لیاقت نے اسپتال میں اپنے ساتھ موجود اراکین سے مکالمہ کرتے ہوئے کہا کہ وہ وزیراعظم سے ملنے ضرور جائیں گے۔
عامر لیاقت نے اسپتال کے بیڈ پر لیٹے ہوئے اپنی تصاویر بھی سوشل میڈیا پر شیئر کیں ۔

یہ بھی پڑھیں:چھینہ گروپ کے بعد ترین، علیم خان گروپس نے بھی اپنا فیصلہ سنا دیا