(24 نیوز) مسلم لیگ ن کے رہنما حمزہ شہباز شریف نے کہا ہے کہ میں عمران نیازی کے لئے عوام کی آنکھوں میں خون دیکھ رہا ہوں, آج گلیوں اور بازاروں میں عوام عمران نیازی کو بد دعائیں دے رہے ہیں۔
تفصیلات کے مطابق پیپلز پارٹی پنجاب سیکرٹریٹ میں میڈیا سے گفتگو کرتے ہوئے حمزہ شہباز نے پیپلز پارٹی کے تمام قائدین اور کارکنان کا شکریہ ادا کیا۔انہوں نے کہا عمران نیازی کے دور میں عوام مہنگائی کی چکی میں پس گئے ۔عمران نیازی کہتا تھا کہ میں خوش ہوں کہ عدم اعتماد لے کر آئے ہیں اور آج عمران نیازی عدم اعتماد سے چھپ رہا ہے۔ مسلم لیگی قائد نے کہا کہ لاکھوں گھر نہ بن سکے مگر غریب کے جھونپڑے گر گئے۔میں عمران نیازی کے لئے عوام کی آنکھوں میں خون دیکھ رہا ہوں۔ انہوں نے کہا عمران نیازی تمہیں کہتا ہوں کہ چپ کر کے گھر چلے جاؤ۔عمران نیازی کا گھر جانا اپوزیشن کی نہیں عوام کی کامیابی ہے۔ حمزہ شہباز نے کہا پیپلز پارٹی اور دیگر اتحادیوں کے ساتھ مل کر حکومت بنائیں گے۔علیم خان اور جہانگیر ترین گروپ بھی ہمارے ساتھ ہیں، اپوزیشن اتحاد کو ایک شاندار کامیابی ملے گی۔انہوں نے مزید کہا کہ آج گلیوں اور بازاروں میں عوام عمران نیازی کو بد دعائیں دے رہے ہیں۔ ملک کو واپس ترقی کے راستے پر لانا ہے۔
یہ بھی پڑھیں: کل پہلا روزہ ہو گا یا نہیں؟رمضان المبارک کے چاند سے متعلق بڑی خبر