(ویب ڈیسک) قومی کرکٹ ٹیم کےبلے باز کھلاڑی فخر زمان نے مسجد نبوی کے صحن سے اپنی تصویر شیئر کر دی ہے جو سوشل میڈیا کی زینت بن چکی ہے۔
تفصیلات کے مطابق رمضان المبارک کے برکت مہینے کے آغاز سے ہی ہر مسلمان کے دل میں خواہش پیدا ہو جاتی ہے کہ اس بابرکت مہینے میں روضہِ رسول کی حاضری نصیب ہو جائے۔ باقی مسلمانوں کی طرح قومی کرکٹ ٹیم کے کھلاڑی بھی اس مہینے کے شروع ہوتے ہی عمرے کی سعادت حاصل کرنے کیلئے سعودی عرب پہنچ چکے ہیں۔
مزید پڑھیں: فرنچ فٹبال فیڈریشن کا افطار کیلئے مسلمان کھلاڑیوں کو میچ میں وقفہ نہ دینے کا فیصلہ
قومی ٹیم اور لاہور قلندرز کے اوپننگ بلے باز فخر زمان بھی عمرہ کی سعادت حاصل کرنے کیلئے سعودی عرب پہنچ گئے ہیں۔ جہاں انہوں نے مسجد نبوی کے صحن میں کھڑے ہو کر لی گئی تصویر کو سوشل میڈیا پر شیئر کر دیا ہے جسے صارفین کی جانب سے خوب سراہا جا رہا ہے۔
جارہانہ انداز سے بلے بازی کرنے والے فخر زمان کے علاوہ قومی کرکٹ ٹیم کے کپتان بابر اعظم اور قومی کرکٹ ٹیم کے سپیڈ سٹار گیند باز حارث رؤف سمیت آل راؤنڈر فہیم اشرف اور بلے باز افتخار احمد بھی عمرہ کی سعادت حاصل کرنے کیلئے سعودی عرب میں موجود ہیں۔
قبل ازیں کپتان بابر اعظم نے بھی مدینہ منورہ سے اپنی تصویر مداحوں سے شیئر کی جبکہ فاسٹ بالر حارث رؤف نے مسجد الحرام سے اپنی تصویر پوسٹ کی تھی۔