سرکاری خط و کتابت میں انگلش الفاظ استعمال کرنے پر 3 کروڑ روپے سے زائد جرمانے کی تجویز

(ویب ڈیسک )اٹلی حکمران جماعت نےانگریزی کے الفاظ استعمال کرنے کو قابل سزا قرار دینے کا بل پارلیمنٹ میں پیش کر دیا۔ 

تفصیلات کے مطابق اٹلی وزیر اعظم جارجیا میلونی کی حمایت سے ان کے بھائی کی جانب سے پارلیمنٹ میں نیا قانون پیش کیا گیا ہے، مجوزہ قانون کے تحت اٹلی کی سرکاری کمیونیکیشن میں انگریزی یا دیگر غیر ملکی زبانوں کے الفاظ استعمال کرنے پر 1 لاکھ یورو تک جرمانہ عائد کرنے کی تجویز دی گئی ہے۔

قانونی مسودے میں تمام غیر ملکی زبانوں کے الفاظ کے استعمال کو روکنے کی تجویز دی گئی ہے تاہم خصوصی طور پر انگلومینیا یا انگریزی زبان کے الفاظ کے استعمال کو اطالوی زبان کیلئے Demeans and mortifies قرار دیتے ہوئے کہا گیا ہے کہ یہ تو اور بھی بدتر ہے کیونکہ برطانیہ اب یورپی یونین کا بھی حصہ نہیں ہے۔

پارلیمنٹ میں بحث کیلئے پیش کیے گئے بل میں تجویز دی گئی ہے کہ سرکاری نوکریوں اور پبلک ایڈمنسٹریشن کیلئے کسی بھی شخص کیلئے اطالوی زبان پر تحریری اور زبانی عبور کو لازمی قرار دیا جائے,بل میں تجویز کیا گیا ہے کہ اٹلی میں کام کرنے والی کمپنیوں کو بھی سرکاری ڈاکیومنٹیشن میں انگریزی زبان کے الفاظ استعمال نہ کرنے کیلئے پابند بنایا جائے۔