(ویب ڈیسک)بالی ووڈ کی معروف اداکارہ جیکولین فرنینڈس کی والدہ کم فرنینڈس انتقال کرگئیں۔
جیکولین کی والدہ نے طویل علالت کے بعد 76 سال کی عمر میں ممبئی کے لیلاوتی ہسپتال میں آخری سانسیں لیں۔
کم فرنینڈس کئی برسوں سے کینسر سے لڑ رہی تھیں، گزشتہ ہفتے انہیں دل کا شدید دورہ پڑنے کے بعد ہسپتال داخل کرایا گیا تھا، جہاں ڈاکٹروں کی کوششوں کے باوجودوہ جانبر نہ ہوسکیں۔
جیکولین نے اپنی والدہ کی بیماری کے دوران تمام پیشہ ورانہ مصروفیات معطل کردی تھیں،انہوں نے حال ہی میں انڈین پریمیئر لیگ کی ایک تقریب میں پرفارم کرنے سے بھی انکار کردیا تھا تاکہ اپنی والدہ کے ساتھ زیادہ سے زیادہ وقت گزار سکیں۔
یہ بھی پڑھیں:مناہل ملک کی ایک اور فحش ویڈیولیک،سوشل میڈیا پر طوفان برپا
یاد رہے کہ کم فرنینڈس 2020 میں فالج کا شکار ہوئی تھیں، جس کے بعد انہیں بحرین کے ایک ہسپتال میں علاج کے لیے داخل کرایا گیا تھا،بحرین میں پیدا ہونے والی جیکولین نے اپنے کیریئر کے آغاز میں بھی اپنی والدہ کے ساتھ گہرا تعلق رکھا تھا۔
بالی ووڈ کے کئی معروف ستاروں نے جیکولین سے ہمدردی کا اظہار کرتے ہوئے مرحومہ کو آخری خراج عقیدت پیش کیا ہے۔