(ویب ڈیسک) بھارتی فضائیہ کا جیگوار لڑاکا طیارہ ریاست گجرات کے علاقے جام نگر میں گر کر تباہ ہوگیا۔
بھارتی ذرائع کے مطابق طیارہ تکنیکی خرابی کے باعث گر کر تباہ ہوا۔ یہ پہلا واقعہ نہیں، بھارتی فضائیہ کے طیارے گرنا روزمرہ کا معمول بن چکا ہے ،2 اپریل 2025 کو بھی بھارتی فضائیہ کا سنگل انجن والا طیارہ تکنیکی وجوہات کی بنا پر مہسانہ شہر کے قریب اُچارپی گاؤں میں گر کر تباہ ہوگیا۔صرف یہی نہیں گزشتہ ماہ بھی بھارتی فضائیہ کے ایک دن میں دو طیارے گر کر تباہ ہوگئے جن میں لڑاکا طیارہ جیگوار شامل تھا ۔نومبر 2024 میں بھی، MiG-29 لڑاکا طیارہ آگرہ، اتر پردیش کے قریب گر کر تباہ ہوا ۔
دفاعی ماہرین کا کہنا ہے کہ طیارہ حادثات بھارتی فضائیہ کی آپریشنل تیاریوں اور حفاظتی معیار پر سنگین سوالات ہیں۔مودی کی ناقص پالیسیوں کی وجہ سے بھارت کا دفاعی نظام کھوکھلا ہو چکا ہے، مودی سرکار کی ناکام پالیسیوں اور کرپشن کے سبب بھارتی فضائیہ ہر گزرتے دن کے ساتھ زوال پذیر ہو رہی ہے، مودی سرکار کے دفاع میں بہتری کے وعدے صرف زبانی جمع خرچ کے سوا کچھ نہیں۔
یہ بھی پڑھیں:فلم ’پشپا 2‘ میں سو کمار نے اللوارجن کو کس وجہ سے کاسٹ کیا ؟