(ویب رپورٹ) بالی ووڈ نامور اداکار شاہ رخ خان کی بیٹی سہانا خان جب بھی اپنی کوئی نئی تصویر یا ویڈیو سوشل میڈیا پر شیئر کرتی ہیں تو وہ سرخیوں میں چھا جاتی ہیں۔ حال ہی میں سہانا خان نے اپنے ایک اور ٹیلنٹ کو مداحوں کے ساتھ شیئر کیا ہے۔
بھارتی نجی ٹی وی کی رپورٹ کے مطابق سہانا خان کی مداح تو خود ان کی ممی گوری خان بھی ہیں۔ سہانا خان نے ابھی بالی ووڈ میں انٹری نہیں کی ہے، اس سے پہلے ہی ان کی فین فالوئنگ کسی سٹار سے کم نہیں ہے۔ حال ہی میں سہانا خان نے اپنی تازہ ترین آرٹ چارکول ڈرائنگ کو مداحوں کے ساتھ شیئر کیا ہے۔
انہوں نے ہفتہ کے روز انسٹا گرام سٹوریز پر ایک چھوٹا ویڈیو شیئر کیا۔ پوسٹ میں سہانا خان نے اپنی ماں گوری خان کو ٹیگ کیا ہے، جسے بعد میں گوری خان نے دوبارہ پوسٹ کرتے ہوئے لکھا، ’’چارکول کلا، ششک کل کا ایک روپ... یہ بہت تھیرا پیوٹک ہیں‘‘۔ گوری خان اکثر سہانا خان کی تصاویر کلک کرتی ہیں، جسے وہ سوشل میڈیا پر پوسٹ بھی کرتی ہیں۔
یاد رہے کہ سہانا خان نے اپنی کچھ تصاویر کو انسٹا گرام اکاونٹ پر شیئر کیا تھا، جس میں وہ سوئمنگ پول کے کنارے بیٹھی نظر آئیں۔ تصاویر کی خاصیت یہ ہے کہ اس تصاویر کو ممی گوری خان نے کلک کیا تھا۔ سہانا خان نے اپنی تصاویر میں کیپشن لکھا- ’دکھاؤ کہ یہ ایک پیپسی ہے اور میں سنڈی کرافرڈ ہوں‘۔ واضح رہے کہ سہانا خان کی آئے دن تصاویر سوشل میڈیا پر وائرل ہوتی رہتی ہیں۔سہانا خان اس وقت نیویارک یونیورسٹی میں پڑھائی کر رہی ہیں۔ اپنے والد کے نقش قدم پر چلتے ہوئے سہانا خان بھی اداکار بننا چاہتی ہیں۔اپنے والد اور والدہ اور بھائی کے ساتھ لمبا وقت بھارت میں گزارنے کے بعد وہ جنوری میں پھر امریکہ چلی گئی ہیں۔
یہ بھی پڑھیں: سرکاری اور پرائیویٹ تعلیمی ادارے آج سےکھل گئے، سڑکوں پر رش