ممنوعہ فنڈنگ کیس کا فیصلہ ،مریم نواز کا ردعمل بھی آ گیا

  (ویب ڈیسک) مسلم لیگ ن کی نائب صدر مریم نواز نے کہا ہے کہ قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا, عمران خان نے  بیرونی طاقتوں سے پیسہ لیا اور ملک کو نقصان پہنچایا۔

تحریک انصاف کے خلاف ممنوعہ فنڈنگ کیس سے متعلق الیکشن کمیشن کے فیصلے پر ردعمل دیتے ہوئے مریم نواز نے ٹویٹر پیغام میں کہا کہ عمران خان بیرونی طاقتوں سے پیسہ لیتا رہا اور اس پیسے کو ملک میں فتنہ فساد کیلئے خرچ کرتا رہا۔

قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا۔ان سے پیسہ لیتا رہا اور اس پیسے کو ملک میں فتنہ فساد اور بربادی کے لیے خرچ کرتا رہا۔
اس فارن ایجنٹ کو پاکستان کی ترقی کو روکنے،CPEC کے خاتمے کےلیے لانچ کیا گیا تھا۔سرشرم سے جھک گیا#ImportedIKImportedPTI

— Maryam Nawaz Sharif (@MaryamNSharif) August 2, 2022

مریم نواز نے عمران خان کی طرف اشارہ کرتے ہوئے مزید کہا کہ اس بیرونی ایجنٹ کو پاکستان کی ترقی روکنے، سی پیک کے خاتمے کیلئے لانچ کیا گیا تھا۔ سرشرم سےجھک گیا ہے۔