انگلش کرکٹ ٹیم کا دورہ پاکستان کے شیڈول کا اعلان

(24نیوز)انگلش کرکٹ ٹیم کے دورہ پاکستان کے شیڈول کا اعلان کردیا گیا، 7 ٹی ٹونٹی میچز کی سیریز کراچی اور لاہور میں کھیلی جائے گی۔
تفصیلات کے مطابق 17 سال بعد انگلش کرکٹ ٹیم پاکستانی میدانوں پر اِن ایکشن دکھائی دے گی، پی سی بی اور انگلش کرکٹ بورڈ نے مشاورت کے بعد انگلش کرکٹ ٹیم کے دورہ پاکستان کے شیڈول کا اعلان کردیا ہے۔انگلش کرکٹ ٹیم کراچی میں چار جبکہ لاہور میں تین ٹی ٹونٹی میچز کھیلے گی، 25 ستمبر کوکراچی میں ٹی ٹونٹی میچز کھیلنے کے بعد ٹیم 26 ستمبر کو لاہور پہنچے گی، قذافی سٹیڈیم میں 28 ستمبر کوپانچواں، 30 ستمبر کو چھٹا اور 2 اکتوبر کوآخری ٹی ٹونٹی میچ کھیلا جائیگا۔سیریز کے تمام میچز پاکستانی وقت کے مطابق شام ساڑھے سات بجے شروع ہوں گے۔
یہ بھی پڑھیں:ایشیاکپ 2022 کے شیڈول کا اعلان کردیا گیا