ایک اور پاکستانی ایتھلیٹ اولمپکس سے باہر

(24 نیوز )پیرس اولمپکس 2024 میں پاکستان کی جانب سے 7 ایتھلیٹ شرکت کر رہے ہیں،جن میں سے اب تک 5کھلاڑی باہر ہوچکے ہیں ۔

تفصیلات کے مطابق پاکستان کی نمائندگی کرنے والی فائقہ ریاض 100 میٹر دوڑ کے اگلے راؤنڈ میں کوالیفائی نہیں کرسکیں،پاکستانی ایتھلیٹ فائقہ ریاض کی ٹائمنگ 12.49 رہی، فائقہ اپنی ہیٹ میں چھٹے نمبر پر تھیں،عالمی ایتھلیکٹس فیڈریشن کی منظوری سے وائلڈ کارڈ انٹری کی حامل قومی ویمن چیمپئین 25 سالہ فائقہ ریاض ابتدائی راؤنڈ کے ہیٹ مقابلے میں ہی ناکام رہیں ، فائقہ ریاض ہیٹ میں ٹاپ10 میں رہیں نہ اگلے پانچ مجموعی بہترین پلیئرز میں آسکیں۔