ڈرامہ انڈسٹری کے کئی مشہور ڈراموں میں اپنی اداکاری اور خوبصورتی کے جلوے دکھانے والی اداکارہ جاناں ملک سوشل میڈیا پر کافی متحرک نظر آ تی ہیں اور ہر روز اپنی دیکھ بھال کی روٹین سے متعلق تصویریں اور ویڈیوز شیئر کرتی رہتی ہیں۔ماضی کی معروف اداکارہ جاناں ملک آج بھی پہلے جیسی ہی حسین اور جوان ہیں۔38 سالہ اداکارہ کا اپنی خوبصورتی اور جواں نظر جِلد کا راز روزانہ کی بنیاد پر ورزش کو بتاتی ہیں۔
تفصیلات کے مطابق اداکارہ کی انسٹاگرام پوسٹس سے اندازہ لگایا جا سکتا ہے کہ اُنہیں بیکنگ کا بہت شوق ہے۔اداکارہ آج کل بیکنگ کے شعبے سے جڑی ہوئی ہیں اور آرڈر پر سالگرہ کے خوبصورت کیک تیار کرتی ہیں۔ اس بات کا اندا زہ ان کی ایک انسٹاگرام کی پوسٹ سے لگایا جا سکتا ہے جس میں اداکارہ نے ایک گاہک کے ان سے بات چیت کا اسکرین شوٹ شیئر کیا ہے جس میں وہ ان کے بیک کیے ہوئے کیک کی تعریف کر رہی ہیں۔
واضح رہے کہ جاناں ملک نے 2016 میں گلوکار نعمان جاوید سے شادی کی تھی جو کہ ایک سال بعد ہی ٹوٹ گئی تھی۔