ایک اُلّو نے کیسے ماضی کی ہالی ووڈ اداکارہ کی یاد دلادی

(ویب ڈیسک )سوشل میڈیا صارفین کو ایک الّو کو دیکھ کر 1950 کی دہائی کی معروف ہالی ووڈ اداکارہ مارلن منرو کی یاد ستانے لگی۔ایسا ہرگز نہیں ہے کہ یہ الّو معروف بالی ووڈ اداکارہ کے جیسا دکھائی دیتا ہو لیکن اس الّو کی ایک ادا اداکارہ سے ایسی ہو بہو ملتی جلتی ہے جسے دنیا بھر کی بہترین اداکارائیں بھی نقل نہ کرسکیں۔

pic.twitter.com/bs0EpkzwTk

— Daily Owls (@DaiIy__Owls) September 18, 2021

مائیکرو بلاگنگ سائٹ ٹوئٹر پر ڈیلی اولز نامی پیج کی جانب سے ماضی میں شیئر کی گئی ویڈیو ایک بار پھر منظر عام پر آگئی۔ جس میں ایک سفید الؔو کو دیکھا جاسکتا ہے۔

یہ الّو کسی الیکٹرانک گیجٹ کے اوپر کھڑا ہے، جس کے اطراف تیز ہوا کے جھونکے چل رہے ہیں، جس کے باعث الّو کے جسم پر موجود بال کچھ ایسے انداز میں ہوا میں لہرا رہے ہیں کہ اس نے مارلن منرو کی 1954 میں لی گئی تصویر کی یاد تازہ کر دی۔

سوشل میڈیا پر وائرل اس تصویر کو صارفین کی جانب سے اسے خوب پسند اور ری ٹوئٹ کیا جا رہا ہے۔